International Space Station [Pic credits: NASA]
- അന്താരാഷ്ട്ര ബഹിരാകാശ നിലയത്തിൽ കുടുങ്ങിയിരുന്ന സുനിത വില്യംസും ബുച്ച് വിൽമോറും ഭൂമിയിലേക്ക് തിരിച്ചെത്തി
- അവരോടൊപ്പം നാസയുടെ നിക്ക് ഹോഗും, റഷ്യൻ കോസ്മോനോട്ടായ അലക്സാണ്ടർ ഗൊർബുനോവും ഭൂമിയിലേക്ക് മടങ്ങി.
മടക്കയാത്രയുടെ പ്രധാന ഘട്ടങ്ങൾ:
- ഹാച്ചിങ് പൂർത്തിയായി – പേടകവും നിലയവും ബന്ധിപ്പിക്കുന്ന കവാടം അടച്ചു.
- അൺഡോക്കിങ് പൂർത്തിയായി – അന്താരാഷ്ട്ര ബഹിരാകാശ നിലയത്തിൽ നിന്ന് വിച്ഛേദിച്ചു.
- ഡി–ഓർബിറ്റിങ് – പേടകത്തിന്റെ വേഗം കുറച്ച് അന്തരീക്ഷത്തിലേക്ക് പ്രവേശിച്ചു.
- പാരച്യൂട്ട് വിന്യാസം – വേഗം നിയന്ത്രിച്ചു.
- കടലിലിറക്കം – ബുധനാഴ്ച(19-03-2025) പുലർച്ചെ 3.27ന് ഫ്‌ളോറിഡയ്ക്ക് സമീപം.
സുനിതയുടെ ദൗത്യം:
- 2024 ജൂണിൽ ബോയിങ്ങ് സ്റ്റാർലൈനർ പേടകത്തിന്റെ ആദ്യ മനുഷ്യപരീക്ഷണ ദൗത്യത്തിന്റെ ഭാഗമായി ബഹിരാകാശത്തെത്തി.
- 7 ദിവസത്തിനുള്ളിൽ തിരികെയെത്താനിരുന്നതായിരുന്നു.
- സാങ്കേതിക തകരാറുകൾ കാരണം 288 ദിവസം ബഹിരാകാശത്ത് തുടരേണ്ടി വന്നു.
നാസ & സ്പേസ് എക്സിന്റെ സഹായം:
- ബോയിങ്ങ് സ്റ്റാർലൈനറിലെ പ്രശ്നം കാരണം മടക്കയാത്ര വൈകി.
- എലോൺ മസ്കിന്റെ സ്പേസ് എക്സ് വഴി തിരിച്ചുവരവ് സാധ്യമാക്കി.
സ്റ്റാർലൈനർ പേടകത്തെയും സ്പേസ് എക്സിന്റെ ക്രൂ ഡ്രാഗണെയും കുറിച്ചുള്ള പ്രധാന വസ്തുതകൾ:
സ്റ്റാർലൈനർ പേടകം:
- ബോയിംഗ്, നാസയുടെ കൊമേഴ്ഷ്യൽ ക്രൂ പ്രോഗ്രാമിന്റെ (CCP) സഹകരണത്തോടെ വികസിപ്പിച്ചെടുത്തതാണ് സ്റ്റാർലൈനർ.
- ലോ എർത്ത് ഓർബിറ്റിലേക്ക് (LEO) ബഹിരാകാശയാത്രികരെ കൊണ്ടുപോകാനും തിരികെ കൊണ്ടുവരാനും ഇത് രൂപകൽപ്പന ചെയ്തിരിക്കുന്നു.
- 2024-ൽ ബോയിംഗിന്റെ സ്റ്റാർലൈനർ സുനിത വില്യംസിനെയും ബുച്ച് വിൽമോറിനെയും ഇന്റർനാഷണൽ സ്പേസ് സ്റ്റേഷനിലേക്ക് (ISS) കൊണ്ടുപോയി, പക്ഷേ പ്രൊപ്പൽഷൻ പ്രശ്നങ്ങൾ മൂലം അവരുടെ മടക്കയാത്ര താമസിപ്പിച്ചു.
സ്പേസ് എക്സിന്റെ ക്രൂ ഡ്രാഗൺ:
- ക്രൂ ഡ്രാഗൺ സ്പേസ് എക്സിന്റെ ഡ്രാഗൺ 2 പേടകത്തിന്റെ രണ്ട് വകഭേദങ്ങളിൽ ഒന്നാണ്. ഇതിൽ ഒരു പുനരുപയോഗ ക്യാപ്സ്യൂളും ഫാൽക്കൺ 9 റോക്കറ്റിന്റെ മുകളിൽ ഉയർത്തുന്ന സവിശേഷതകളും ഉൾപ്പെടുന്നു.
- നാസയുടെ കൊമേഴ്ഷ്യൽ ക്രൂ പ്രോഗ്രാമിന് കീഴിൽ വികസിപ്പിച്ച ഇത് പ്രധാനമായും ബഹിരാകാശവാഹകരെ ISS-ലേക്ക് കൊണ്ടുപോകുന്നു.
- മറ്റൊരു വകഭേദമായ കാർഗോ ഡ്രാഗൺ, ഐഎസ്എസിലേക്ക് (International Space Station)ചരക്കുകൾ കൊണ്ടുപോകുന്നു.
- നാസയുടെ സ്പേസ് എക്സ് ക്രൂ-9 മിഷൻ സുനിത വില്യംസിനെയും ബുച്ച് വിൽമോറിനെയും ഐഎസ്എസിൽ നിന്ന് തിരികെ കൊണ്ടുവന്നത് ക്രൂ ഡ്രാഗൺ പേടകമായ ഫ്രീഡം ഉപയോഗിച്ചാണ്.